KABAYE! Umuturage akubise DASSO inyundo mu mutwe ngo yimubwira kwikingiza

Umugabo utuye mu Karere ka Rwamagana mu Murenge wa Gishari yashyikirijwe RIB azira gukubita UMU DASSO inyundo mu mutwe akamukomeretsa amuziza ko yari arimo guksngurira abo murugo rwe kwikingiza urukingo rwa COVID 19.

Ibyi byabaye kuwa 25/01/2022 mu Mudugudu wa Mugusha mu Kagari ka Bwinsanga mu Murenge wa Gishari ho muntara y’iburasirazuba.

Hirya no hino mugihugu hari gahunda inzego  z’ibanze zimaze mo iminsi yo kureba urugo kurundi abaturage batarikingiza  icyorezo cya COVID 19 maze bagashishikarizwa kwikingiza ndetse bakigisha ibyiza byo kwikingiza.

Inzego z’ibanze zifatanyije na DASSO kuwa 25/01/2022 bajyiye gukangurira  uyu mugabo wo mu Murenge wa Gishari kwikingiza batungurwa no gusanga we n’abana be uko ari 12 n’umugore we ntanumwe wigeze wikingiza urukingo narumwe aho byatangajwe ko babiterwa n’imyemerere y’idini ritazwi basengeramo rikorera mu Karere ka Gicumbi ho muntara y’Amajyaruguru.

Inzego z’ibanze zikigera muri uru rugo ngo zatangiye kuganiza abana bakuru umwe umwe ukwe murwego rwo kubereka ibyiza byo Gufata urukingo rwa Covid 19.Byaje kurangira se w’abana azanye inyundo maze ayikubita UmuDASSO umwe mu mutwe amukomeretsa ahagana kumutwe inyuma.

Gitifu  w’agateganyo urimo kuyobora Umurenge wa Gishari, Bwana Muhinda Augustin, yabwiye ikinyamakuru  IGIHE dukesha iyi nkuru ko ibi byabaye,ariko ngo Dasso ntiyakomerekejwe cyane,yakomeretse byoroheje kubwamahirwe.

Yagize ati "Ni byo inzego z’umutekano n’iz’ibanze bagiye mu gukurikirana, tugenda urugo ku rundi tureba ko abantu bose bikingije, dusanga uwo mugabo iwe ntibarikingiza mu gihe bari kuganiriza umwana we ku ruhande, ava mu rugo afite inyundo akubita DASSO mu mutwe inyuma, hakurikiyeho guhita afatwa ndetse n’umwana we n’umugore we bahise bafata isuka n’ibiti bagaragaza ko badashaka kwikingiza."

Yongeyeho Ati "Uwo muryango wose ufite abana bagera kuri 12 nta n’umwe urikingiza, nta nubwo basengera muri Rwamagana ahubwo bajya gusengera i Gicumbi. Ni abantu batajya bafata indangamuntu, ntibishyura mituweli. Mbese ni abantu batemera gahunda za Leta, gusa turi kubaganiriza kugira ngo turebe icyo bitanga."

Amahuru akomeza avuga ko Kugeza ubu Dasso ameze neza ntakibazo kandi ko umugore n’abana barekuwe bagahita bikingirana mu nzu na n’ubu ngo bakaba badashaka gusohoka.Uyu muyobozi yarangije aha abaturage ubutumwa bw’uko abanyarwanda bakwiye kumenya ko urukingo ari ubufasha bwo bwirinda COVID 19 bityo ko badakwiye gutegereza ko ubuyobozi buza kubigisha mungo zabo.

Muri iyi minsi hari kumvikana inkuru z’abaturage badashaka kwikingiza aho akenshi bavuga ko urukingo rwa Covid Imana yababujije kurufata kuko ngo ari urwa Sekibi kandi ko byahanuwe ko mu minsi y’imperuka ariko bizagenda.Bamwe basezera ku mirimo bakoraga,ariko nanone byagiye bigaragara ko uko baganirizewa gake gake bageraho bakemera kwikingiza.

Nibyiza ko niba nawe warakingiwe wafasha abandi gusobanukirwa ibyiza by’urukingo.

IZINDI NKURU WASOMA

1.Uburyo 07 karemano bwagufasha kwivura inkovu

2.Umukobwa mukundana,ntazigera akubwiza ukuri kuri izi ngingo esheshatu.

3.IMPAMVU 6 nyamukuru zishobora gutuma igitsina cy'umukobwa kinuka

4.Ibimenyetso 5 bigaragara inyuma byerekana umukobwa ufite amazi menshi(Amavangingo)

5.Ibimenyetso 8 bigaragaza umukobwa ukiri isugi n'uwo byarangiye urebeye inyuma