IMPAMVU 6 nyamukuru zishobora gutuma igitsina cy'umukobwa kinuka

Abahanga m’ubuzima bw’imyororokere batangaza ko igitsina cy’umugore udafite ikibazo cy’uburwayi cg ikindi kibazo,nta mpumuro cg umunuko cyakagombye kuba gifite.Nkuko amazi atagira impumuro cg umunuko,ni nako muburyo karemano imyanya myibarukiro y’abagore iremetse.

Gusa nubwo bimeze bitya hari impamvu zitandukanye zishobora gutuma igitsina cy’umugore cg umukobwa kigira umwuka mubi,kuburyo iyo ntagikozwe umuntu usanga agenda anuka mu muhanda aho anyuze,cg akabangamira abo baba barikumwe.

Dore zimwe mumpamvu zibanze zituma igitsina gishobora kugira umwuka mubi:

1.Uburwayi butandukanye.

Nkuko twabivuze haruguru,imyanya ndangagitsina y’umugore,iremetse muburyo bwihariye kuburyo nta mpumuro cg umunuko igira.Umuntu yayigereranya n’amazi meza. Ntago amazi meza agira impumuro,ariko ashobora kugira impumuro uyavanzemo ibindi bintu cg akanuka kubera yagaze(Amazi yanduye y’ibiziba).

Hari indwara rero zikunze kwibasira imyanya y’abagore,zikaba zatuma hahantu hatagira impumuro hanuka. Zimwe muri izo ndwara ni TIRIKOMONASI,IMITEZI n’izindi. Usanga akenshi igitsina gore kidakunda kugaragaza vuba ibimenyetso byizi ndwara,bikaba nabyo byaza kwisonga mugutuma umuntu anuka mugitsina akoga uko ashoboye ariko bikanga agakomeza akanuka kubera afite ubu burwayi wenda butaragaragaza ibimenyetso.

2.Muburyo bw’umwihariko Kanseri y’inkondo y’umura nayo yateza iki kibazo.

Uburwayi bwa Kanseri y’inkondo y’umura n’uburwayi bubi cyane bufata mu myanya myibarukiro y’bagore cg abakobwa. Kimwe mubimenyetso byiyi ndwara nuko umuntu nyuma y’igihe runaka atangira kuzana ururenda runuka mugitsina rugenda ruza gake gake rukagenda rwiyongera.

Uru rurenda ruba rufite umwuka mubi,kuburyo umuntu ubonye iki kimenyetso aba agomba kwihutira kujya kwa muganga kwivuza hakiri kare kuko nubwo wakoga ute uyu mwuka ntiwashira utavuwe.

3.Kwihindagura kw’imisemburo igize umubiri w’abakobwa n’abagore.

Umusemburo wa Estrogen iyo wagabanutse mu mubiri biturutse kumpamvu zinyuranye bishobora kugira ingaruka itari nziza kubirebana n’impumuro ituruka mu myanya ndangagitsina.Ibi bikunze kuba kubadamu bamaze kugera mugihe cyo gucura,kuko uyu musemburo wa Estrogen ugabanuka kuburyo bugaragara. Abantu bageze muri iki gihe nabo baba bakeneye gukora isuku ihoraho murwego rwo kurwanya iki kibazo cyo kunuka mugitsina.

4.Gukora Imibonano mpuza bitsina inshuro nyinshi.

Igitsina cy’umugore kifitemo ibinyabutabire bizwi ku izina rya Acide Ph hanyuma mu masohoro y’abagbo habamo ibindi binyabutabire byitwa Alkaline Ph.Ibi binyabutabire byombi iyo bihuye,bibyara umwuka utari mwiza bikaba byanuka.

Iyo rero umuntu akoze imibonano ntiyibuke kujya y’isukura ndetse akanasukura imyenda y’imbere nabyo boshobora gutera umukwa mubi kumyanya ndanga gitsina y’umugore cg umukobwa ugereranije n’abagabo.

5.Kwambara Cotex umwanya munini utayihindura.

Niba umugore cg umukobwa ari mugihe k’imihango aba agomba kwibuka guhindura cotex vuba uko bishoboka. Byibuze n’ibyiza ko bitarenze amasaha ane(4) uba ugomba guhindura uyu mwambaro murwego rwokwirinda ko wakurura impumuro mbi.

6.Kutagirira isuku igitsina n’imyenda y’imbere.

Hari ibice bitandukanye k’umubiri bishobora kugira umwuka mubi bitewe n’uko bisohokeraho ibyuya byinshi kumubiri ugereranije n’ahandi.

Urugero:Mukwaha,Mubirenge,no Kugitsina. Kugitsina haba hariho imisatsi  ishobora kubika ibyuya byasohotse mu mubiri maze bikaba byatera kunuka.Ningombwa rero kogosha iyi misatsi yo kugitsina kuburyo itigera iba myinshi kuburyo ibika ibyuya.

Ikindi nuko umuntu agomba kwibuka guhindura umwenda w’imbere buri munsi kugirango nabwo yirinde ko ibyuya biba byagiyemo byakurura umunuko. Umuntu nanone agomba kumenya uburyo bukwiye bwo gukaraba neza kugitsina cye.

Ushobora gukurikira iyi video igaragaza uburyo bwiza wakoresha mugihe waba ugiye  koga kumyanya y’ibanga.Kanda hano

Uretse koga amazi meza kugitsina no gufura imyanda y’imbere,ushobora kujya unywa amazi menshi kugirango agufashe gusukura umubiri kugirango utagira umwuka mubi.Icyiyongera kuri ibi,nuko ushobora guhitamo kujya uteka tungurusumu inshuro nyinshi mubiryo aho kuzihekenya ari mbisi,kuko zizana umwuka mubi mukanywa.

Abantu bayikoresha muburyo butandukanye ariko ikiriho nuko nayo uyikoresha bimufasha kwirinda kuzana umwuka mubi kumyanya ndanga gitsina.

Uramutse ubonye byanze ningombwa kugana kwa muganga kwivuza bikaba akarusho ugiyeyo hakiri kare kugirango basuzume ko bitaba biterwa nazandwara twavuze haruguru.

IZINDI NKURU WASOMA

1.Niryari umugabo cg umusore akwiye kuvuga ko afite igitsina gito cg kinini?

2.Umukobwa mukundana,ntazigera akubwiza ukuri kuri izi ngingo esheshatu.

3.Bwana NTAWIHEBA yabwiye ukuri ubuyobozi ko adateze kuzikingiza Covid 19

4.Uburyo ubumara bw'inzoka buvamo imiti ituvura indwara zikomeye

5.Ibimenyetso 8 bigaragaza umukobwa ukiri isugi n'uwo byarangiye urebeye inyuma