Nyuma yogufatira ubwato rutura bw'abarusiya noneho bugiye gutezwa cyamunara

- August 21, 2022

Ubwato bunini cyane bakunze kwita “superyacht” bwo mu Burusiya bufite agaciro ka miliyoni mirongo irindindwi n’eshanu z’amadorari y’america(75$) bugiye gutezwa cyamunara nyuma.

Ibi bikaba ari inkurikizi zije nyuma y’aho nyirabwo yafatiwe ibihano.

Ubu bwato b’udasanzwe buzwi nka Axioma bwafatiwe mu muhora wa Gibraltar muri mu kwezi kwa gatatu(3) nyuma y’aho banki ya JP Morgan yo muri Amerika ivuze ko nyirabwo, Dmitrievich Pumpyansky, atishyuye umwenda wa miliyoni $20m ayibereyemo.

Ubu bwato bufite igipimo cya metero 72 z’uburebure ,buzagurishwa kuwa kabiri.

Kuko buzagurishwa muri cyamunara y’umunsi umwe, byitezwe ko buzagurwa ku giciro kiri munsi y’agaciro bwakabaye bugurishwaho. Ibi bikaba ari ibyongerera igihombo bwana Dmitrievich Pumpyansky umunyemari w’umurusiya.

IMITERERE Y’UBU BWATO N’UBUSHOBOZI BUFITE

1.Ubu bwato bushobora gucumbikira abantu 12 kuburyo bw’isanzuye mu bice bitandatu bufite.

2.Ni ubwato bufite ‘piscine’, jacuzzi, spa, 3D Cinema, ibikoresho bya ‘scuba diving’ n’umwanya w’abakozi 20 babukoramo kuburyo buhoraho.

IBYIHARIYE KU IGURISHWA RY’UBU BWATO

1.Nibwo bwato bw’igitangaza bugiye kugurishwa kunshuro ya mbere kuva bamwe mu bikomerezwa(Abanyemari) mu Burusiya bafatiwe ibihano biturutse ku kuba igihugu cy’Uburusiya kigabye igitero kuri Ukraine kuva mukwezi kwa kabiri.

2.Hari abahamagarira za leta kugurisha imitungo yafatiriwe y’abaherwe b'abarusiya bari hafi y’ubutegetsi kugira ngo ifashe impunzi za Ukraine.

3.Amafaranga azava ku igurishwa rya Axioma biteganyijwe ko azashikirizwa JP Morgan.

Ubu bwato bwabanje kwitwa Red Square bucyubakwa m’umwaka wa 2013.

Muri iki gihe bwakodeshwaga abanyemari kumafaranga ibihumbi Magana atanu namirongo itanu y’amadorari($550,000) ku cyumweru kimwe.

Ugereranije aya mafaranga arenga miriyoni Magana atanu mirongo itanu mu manyarwanda.

Nyirabwo ninyi uruganda rwa OAO TMK.

Uru ruganda rukaba ruri munganda z’ambere zikora zikanagemura amatiyo y’ibyuma anyurwamo na Gaze cg Peterori. Ruri munganda zambere zigurisha ibi byuma kuruganda rwa leta rukora ibijyanye n’ingufu rwitwa Gazprom.

Umutungo wa Dmitrievich Pumpyansky w’imyaka 58 akaba na nyirubwato bugiye gutezwa cyamunara, ubarirwa mukayabo karenga miliyari $2.1 amadorari, akaba azwiho ko ari ku rutonde rw’abafatiwe ibihano n’Ubwongereza, Amerika, n’Ubumwe bw’Uburayi kubera intambara Uburusiya bwateje muri Ukraine.