Ngibi ibintu abasirikare b'abakobwa babujijwe gukorera ku karubanda

Hano hari ibintu bike Abasirikare cg Abaporisi b’abategarugori  babujijwe kwambara mugihe bari mukazi:

Nubwo amategeko y’ibihugu kumyitwarire n’imyambarire ya gisirikare mugihe cy’akazi agiye anyuranye,twagerageje gutoranya bimwe mubibujijwe Abasirikare n’Abaporisi gigitsina gore babujijwe kwambara.  

1.Kwambara no kwisiga inyunganira bwiza mumaso.

Abantu benshi batazi  ibijyanye n’ubuzima bwa gisirikare batungurwa nibi bintu.

Mugihe umutegarugori w’umusirikare cg umuporisi yambaye imyenda y’akazi: Ntiyemerewe kwambara no kwisiga mu maso amavuta cg ibindi bintu bikoreshwa mu kongera ubwiza bwo mu maso.

Ibi bivuzeko batemerewe kwitukuza,kwambara kumaso ingohi z’inyongera cg kwisiga za makeup zindi zinyuranye. Ibi babibujijwe mugihe bari mu kazi cg mugihe bari mu masomo ya gisirikare bahabwa(Ku ikosi).

2.Kwambara inzara z’inyongera cg kuzisiga amabara.

Kwambara  inzara z’inyongera cg gusiga amabara izo usanganwe ntibyemewe mu gisirikare n’igiporisi. Ibi ntago byemewe kubera ko bishobora kuba umwanda no gusigara ku myenda n’ibikoresho byagisirikare mugihe umusirikare arimo gukora ibikorwa byihariye byagisirikare.

Ikindi n’uko inzara zinyongera zishobora kumubuza gufata cg guterure ibikoresho bya gisirikare kubera uburebure bw’izo nzara.

Gusa nubwo bimeze bitya mubisirikare byinshi,ariko mubihugu bimwe nabimwe kandi bike usanga byemewe gusiga inzara ndetse no kwambara inzara z’inyongera kubategarugori. Urugero muri USA bo barabyemerewe ariko nabo ntibyari byemewe mugisirikare cyabo cyo hambere.

3.Birabujijwe Kwambara inkweto ndende.

Ntago twasoza tutavuze kuri ibi bintu. Ntago byemewe k’umusirikare w’umutegarugori kwambara inkweto zifite taro ndende zizwi nka high heels.

Abantu bamwe bibeshya ko inkweto ndende zemewe mubisirikare bitewe n’amafirime amwe n’amwe agaragaza abagore b’abasirikare bambaye inkweto ndende,ariko ntago ubwoko bw’izi nkweto bazemerewe.

Ibi biterwa n’uko mugihe wambaye izi nkweto byagorana kwiruka mugihe byaba bibaye ngombwa kandi bikaba bigorana kuzigendesha kubutaka butameze neza.

4.Kwambara amaherena nabyo ntibyemewe.

Kwambara amaherena usanga bitemewe mu bisirikare byinshi byo ku isi.

Ibi biterwa nuko hari igihe biba ngombwa ko bambara za ekuteri zirinda urusaku mugihe bari mu myitozo yo kurasa cg bakambara za kasike zihariye zambarwa ari uko umuntu uzambaye atambaye amaherena.

Uretse ibi biranabujijwe gushyira amaherena kumazuru,k’ururimi cg kubitsike.

5.Imitako igizwe n’amashanete cg imiringa y’indi nabyo ntiyemewe.

Ntukambare imitako igizwe n’imiringa cg amashanete usibye mugihe cy’ubukwe cg ikindi gihe bibaye ngombwa niryo bwiriza.

Ibi biterwa n’uko igihe umusirikare agize ikibazo k’uburyo akenera ubuvuzi bwihutirwa abamufasha baba batagomba kubanza kurushywa no gufungura iyo mikufi n’amashanete cg indi miringa itandukanye yaba yambaye.

Gusa nubwo bibujijwe kwambara ibi bintu,biremewe kubizera kwambara ikirango cyo kwizera kwabo nk’umusaraba cg ishapure.

6.Birabujijwe kwambara imyenda igaragaza imyanya ndanga gitsina.

Nubwo haba hashyushye cg urimo ukora akazi runaka,kirazira kwambara imyenda igaragaza ibice by’umubiri bifitanye isano n’imyanya ndangagitsina.

Birabujijwe kwambara imyenda igaragaza umukondo izwi nka mukondo out,kwambara udusengeri tumeze nkamasutiye,cg kwambara utujipo tugufiya.

Ibi ntibikora mubisirikare bwose byo ku isi kuko ibihugu bigeye bifite amategeko atandukanye,ariko ahenshi niko bimeze.