Ibinyobwa 6 wakorera m'urugo bituma ugira amaso asa neza bikanayarinda ubuhumyi

Niba urinze kandi ukita ku amaso yawe, uzagabanya ibyago  byo guhuma cg kutabona neza bishobora kuza ukiri muto cg bikaza gake gake uko ugenda ukura.

Nk’uko urubuga rwa WebMD rubitangaza, hari ibiryo n'ibinyobwa byinshi byuzuye intungamubiri za ngombwa zifasha kandi zikaba nziza mu gukomeza gutuma amaso abona neza.

1.Umutobe w'inyanya.

Umutobe w'inyanya ukungahaye kuri lycopene, na phytonutrients nka beta-karotene, lutein, zeaxanthin, na vitamine C, izi ntungamubiri zose zifite ubushobozi bukomeye bwo kukurinda ibibazo by'amaso.

2.Umutobe wa epinari.

Epinari, kale, na broccoli ni imboga rwatsi zikungahaye kuri antioxydants bita lutein na zeaxanthin, bikaba byiza mugufasha amaso yawe kureba neza.

Abashakashatsi bemeza ko lutein na zeaxanthin ziba mu mutobe wa Epinari zirinda amaso guhura n’uburwayi bw’amaso buturuka ku izabukuru bushobora kuba intandaro y’ubuhumyi.

3.Umutobe w'imineke.

Muri rusange,umuneke uzwiho gufasha igifu gukora igogora kuburyo bworoshye no gutanga imbaraga k’umubiri.

Nubwo bimeze bityo,imbuto zifite ibara ry'umuhondo harimo n’umuneke kuburyo bw’umwihariko, z’ifite ibirenze ibyo. Kurya umuneke cg umutobe wawo bishobora kugufasha kwirinda indwara z’amaso. Ibi biterwa nuko ugira ibyitwa beta-karotene, ihinduka vitamine A ikaba nziza kumaso.

4.Umutobe w'icunga.

Ubushakashatsi bushya bwerekanye ko kurya amacunga buri munsi bigabanya ibyago byo kwangirika kw’amaso bituma umuntu areba ibikezikezi k’urugero rwa 60%.

Ubundi bushakashatsi bwanzuye ko abantu barya cyangwa banywa umutobe wa Orange, badakunda kugira iminkanyari mu maso.

5.Pome, beterave, n'umutobe wa karoti.

Umutobe wa pome, umutobe wa karoti, n’umutobe wa beterave,n’ingirakamaro cyane kubuzima bw’amaso yawe. Beta-karotene ziba muri karoti, zihinduka vitamine A mumubiri nyuma yo kunwa uyu mutobe. Iyi vitamine ni nziza cyane k’ubuzima bw’amaso.

Ikindi nuko flavonoide ziba muri Pome nazo zizwiho guteza imbere ubuzima bwiza bw’amaso.

Uyu mutobe ugizwe n’uruvange rwa Pome, beterave ndetse na karoti,bakunze kuwita ABC juice,kubera ukuntu ukungahaye kuntungamubiri nyinshi zifasha amaso kureba no kubona neza.

6.Umutobe w’inkeri z’ubururu(Blueberries).

Umutobe wa w’inkeri z’ubururu(Blueberries) ufite ubushobozi bwo gutuma amaso areba(improve your eyesight).

Si ibi gusa kuko unafasha mukugabanya ibyago byo kurwara indwara z’inyuranye nka: Cataracte, Kanseri, indwara z'umutima, n’izindi.

Ubushakashatsi bwerekanye ko umutobe w’izi nkeri unafasha kurwanya ingaruka z’indwara ya Alzheimer ugafasha uwunyoye kwibuka neza.

Mugutunganya iyi mitobe yose ushobora kwifashisha akuma kabugenewe kitwa Brender kifashishwa mugukora imitobe inyuranye mu rugo.