Akamaro ko gufata icyayi kirimo Tangawizi(Ginger)

- May 10, 2022

Icyayi kiromo tangawizi abantu batandukanye bakunze kugikoresha mugihe hakonje ngo umubiri ugarure ubushyuhe. Abandi bagikoresha murwego rwokwivura indwara zitandukanye zirimo:Ibicurane,Inkorora, abandi bakagikoresha ndetse bashaka gutakaza ibiro.

Mukiganiro cy’uyu munsi turarebera hamwe akamaro gatandukanye icyayi kirimo Tangawizi gifitiye umubiri wacu.

-Ibyo ugomba kwitondera mugihe ugiye kugikoresha.

-Turarebera hamwe abemerewe gukoresha iki cyayi n’abantu batemerewe.

-Turi bunagaruke kuburyo bwiza bwo kugitegura.

Mugutegura icyayi cya tangawizi hifashwa ibijumba bya tangawizi byakaswemo uduce duto duto cyangwa ukabisekura cyangwa ukagura ifu ya tangawizi nubundi iba yaratunganijwe muri bya bijumba byayo.

Iki cyayi kikaba gikungahaye kuri vitamin zinyuranye ariko cyane cyane:

-Vitamin C.

-Ibisohora uburozi n’imyanda mu mubiri.

-Imyunyungugu nka manyeziyumu.

IBYIZA BYO GUKORESHA IKI CYAYI.

1.Gifasha umuntu Gutakaza ibiro

Kubantu bafite ikibazo cyo kugira ibiro byinshi bakaba bifuza kubigabanya,iki cyayi cyabafasha gutakaza ibiro. Iki cyayi kizwiho gutuma umubiri ukoresha ingufu cyane bitewe nuko gifite ingufu zo kuwushyushya. Ibi bituma umubiri utwika ibinure byagiye bifata ahantu hatandukanye mu mubiri.

Ibi bituma habaho kugabanyuka kw’ibiro k’uburyo bugaragara.

Kurwanya no kurinda kanseri

Iki cyayi kandi kizwiho gufasha umubiri gusohora imyanda itandukanye no kuwongerera ubudahangarwa bikawufasha mu guhangana n’uburwayi bwa Kanseri.

Kurwanya isesemi no kuruka

Icyayi kirimo tangawizi,kizwiho kurwanya isesemi no kuruka kubantu baba bafite impamvu zinyuranye zituma bumva bafite isesemi.Aha twavuga nk’abagore batwite cg abarwayi bafata imiti ya kanseri kuko akenshi itera kugira isesemi no kumva ushaka kuruka.

Kubyimbura no kurwanya uburibwe

Ku bantu bafite ikibazo cyo kuribwa mu ngingo,Kubabara mu gifu,kubabara mugihe k’imihango iki cyayi ni ingirakamaro kuri bo. Ibi biterwa n’ibinyabutabire bitandukanye tangawizi yifitiye bituma igira ubushobozi bwo kurwanya ububabare no kubyimbirwa.

K’uburyo bw’umwihariko abagore n’abakobwa bakoresha iki cyayi ku buryo buhoraho kubabazwa n’imihango bigeraho bigashira.

Iki cyayi Gifasha mu Igogora

Icyayi kirimo tangawizi kizwiho kuvura ibibazo by’igogorwa. Iyo wariye ukumva munda hagugaye,kunwa iki cyayi bizagufasha. Ikindi Tangawizi ikize kuri vitamin c.Iyi vitamin n’ingenzi cyane mu kongerera umubiri ubudahangarwa bushingiye ku kurinda umubiri indwara ziterwa na mikorobe.

Icyayi kirimo tangawizi gifasha mu kwirinda indwara z’umutima.

Tangawizi yifitemo imyunyungugu na za vitamin zitandukanye zituma amaraso atembera neza mu mubiri.Ibi bituma umwuka wa oxygen utembera neza mu bice binyuranye cyane cyane mu bwonko.

Ibi bituma icyayi kirimo tangawizi kiza mubifasha kandi bikarinda indwara zinyuranye z’umutima.

Kurwanya stress no guhangayika

Muri tangawizi habamo ibyitwa Gingerol. Gingerol izwiho kurwanya kwiheba,kwigunga no kumva uhangayitse.

Dore uko Iki cyayi wagiteka

Hari uburyo bwinshi bwo gukoramo iki cyayi, ukanongeramo ibindi birungo wifuza. Reka tuvuge ku buryo bumenyerewe na benshi.

Ibisabwa

· Tangawizi imwe

· Indimu ibisate2

· Ubuki (niba ushaka akaryohe)

· Amata (niba uyashaka)

-Tangawizi yihate ukatemo uduce duto cyangwa se uyisekure. Uyicanire mu mazi.

-Yireke ibire byibuze mugihe cy’iminota 10.Ushobora gushyiramo amajyane make.

- Nyuma yo kubira minina icyayi cyawe ukamuriremo indimu, wongeremo n’ubuki

Iki cyayi ushobora kugifata iyo hakonje, mu gihe utangiye kugaragaza ibimenyetso bya grippe, nk’agakorora n’ibicurane byoroheje. Ushobora nokugifata mu gihe unaniwe, wumva udatuje cyangwa ufite umunabi.

Icyitonderwa

· Kunywa tangawizi nyinshi bishobora gutera imikorere mibi y’igifu.

· Nubwo ifasha abagore batwite ibarinda ka gasesemi, ariko si byiza kuyikoresha kenshi kuri bo kandi basabwa no gukoresha imwe itumvikana cyane.

· Ku bafite ikibazo cy’ibisebe, abafata imiti ifasha amaraso kuvura, abarwaye diyabete n’indwara z’umutima gukoresha tangawizi bishobora kubongerera uburwayi, basabwa kuyireka.

· Niba ufite indwara idakira ni byiza kugisha inama muganga mbere yo gukoresha tangawizi.