Akamaro urubuto rwa Watermelon rufitiye ubuzima bwawe

Watermelon izwiho kuryoha no kurinda umubiri kugwa umwuma(Gutakaza amazi menshi mugihe k’izuba) Ikindi nuko watermelon ari ifunguro rigizwe na za vitamin,imyunyungugu,n’ibindi binyabutabire birinda umubiri kwangirika, bikanawurinda n’uburwayi butandukanye.

Hamwe n’ibindi binyabihaza nka cantaloupe, honeydew,cucumber, watermelon nazo ziri mumuryango w’ibyo bita ibinyabihaza(Cucurbitaceae).Uru rubuto rumeze nkaho nta cyanga rugira kuburyo iyo ururiye uba wumva ari nk’amazi arimo agasukari gacye.

Ni urubuto rwuzuye umutobe, rworohereye, rurimo utubuto duto duto tw’umukara. Ni isoko nziza y’amazi acyenewe kimwe n’izindi ntungamubiri. Uru rubuto ruribwa baruhekenya, aho urya icyo gice gitukura

Watermelon zirimo amoko agera kuri atanu ariyo seeded Watermelon (Izifite inzuzi), seedless Watermelon (Izidafite inzuzi), mini Watermelon, yellow Watermelon(Izisa umuhondo), hamwe na orange Watermelon(Izisa Orange).

Ibigize Watermelon n’akamaro kayo

Watermelon igizwe n'amazi kurugero rwa 90%,ibi bituma iba ingirakamaro cyane kuwayifata mugihe cy’izuba ryinshi kuko yamurinda kumagara no kugwa umwuma.

Watermelon na none ikungahaye kubyitwa antioxidants.Izi antioxidant zifasha mugukura mu mubiri ibyitwa  free radicals. Umubiri ukora izi free radicals mubikorwa karemano ukora buri munsi umuntu ntabushake yabigizemo.Gusa zishobora kuzamurwa no kunwa itabi cg guhumeka cg kuba ahantu hari ikirere gifite umwuka wanduye.

Iyo free radicals zigumye mu mubiri zituma habo umunaniro (oxidative stress) maze bikaba byateza kwangirika kuturemangingo nabyo bigateza izindi ndwara zitandukanye zirimo kanseri cg indwara z’umutima.

Umubiri ufite uburyo karemano wisohoramo izi free radicals,ariko bitewe n’ibigize watermelon k’umuntu uyifata byihutisha kandi bikoroshya iyi process yo gukura Imyanda m’umubiri.

Ifasha kurwanya asima(Asthma)

Impuguke zimwe zizera ko za free radicals iyo zibaye nyinshi mu ibihaha,byongera ibyago byo kurwara asima. Kuko watermelon yifitemo ibinyabutabire bifasha mugusohora izi free radicals mu mubiri kandi ikaba ikungahaye kuri vitamin C,abahanga bemeza ko yafasha abarwaye asima ikarinda n’abatarayirwara.

Ubushakashatsi ntago buremeza ko abantu bafata amafunguro akungahaye kuri vitamine C bibongerera amahirwe yo kutarwara asima,ariko bemeza ko gufata iyi vitamine hari icyo byafasha mukuzamura ubudahangarwa bw’umubiri kuri iyi ndwara.

Umuvuduko w’amaraso

Ubushakashatsi bwakozwe muri 2012 bwagaragaje ko ama antioxidants ari muri watermelon ariyo L-citrulline na L-arginine,yombi afasha mukugabanya umuvuduko w’amaraso. Ibi bikunze kuba kubantu batangiye kugera mumyaka y’izabukuru cg abantu bafite umubyibuho ukabije. Ikindi kinyabutabire kiri muri watermelon gifasha kurinda indwara z’umutima kitwa Lycopene.

Kurinda Kanseri

Ikigo gishinzwe kanseri cyo muri Amerika cyitwa National Cancer Institute(NCI)  cyatangaje ko ibyitwa free radicals bizamura ibyago byo kurwara kanseri kuko ziri mubituma uturemangingo ndanga sano DNA twangirika.

Ibinyabutabire biri muri watermelon byitwa Dietary bifite ubushobozi bwo kurwanya iyangirika ry’uturemangingo ndanga sano DNA kuburyo byaherwaho mu kuvugako watermelon irwanya kanseri kurugero runaka.

Ubundi bushakashatsi byagaragaje na none ko ikinyabutabire cya lycopene kiba muri watermelon kigabanya ibyago byo kurwara kanseri ya Prostate kubagabo.

Ifasha igifu mukazi k’igogora.

Watermelon nanone ifasha igifu mu kazi kacyo kaburi munsi ko kugogora ibiryo aho ituma gikora neza ndetse kumuntu urya watermelon biragoye ko yahura n’ikibazo cyo kurwara Impatwe cg kwituma bigoranye. Ibi biterwa nuko watermelon ikungahaye kuri fible cyane kandi ikaba ifasha mu kazi kigogora kurugero ruri hejuru.

Irinda Umwuma

Watermelon kuko igizwe na 90% by’amazi bituma ari ifunguro wagafashe cyane cyane mugihe cy’amezi arangwa no kugira izuba rikabije,kuko ituma utumagana ngo umubiri ube watakaza amazi menshi.

Uko bayirya

Watermelon ushobora kuyirya ikiri yose,ushobora kuyikoramo umutobe,Kuyirya hamwe n’andi mafunguro,kuyikoresha nka Sarade cg mubundi buryo bukubangukiye. Hari nabayifata bakayisekura bakayivanga n’ifarini bagakoramo Imigati y’ubwoko bunyuranye.

Gusa ugomba kumenya ko igishishwa cya watermelon  kitaribwa ahubwo haribwa ibyimbere.Imbuto zayo nazo ntiziribwa ariko ugize ibyago byo kuzimira ntago wagira ubwoba kuko ntacyo zibangamira k’ubuzima.

Ibindi by’ingenzi wamenya kuri watermelon

·         Kubera watermelon ikungahaye ku mazi, ni nziza mu gihe cy’ubushyuhe kuko irwanya umwuma no kugira inyota.

·         Uru rubuto rubamo Calories nkeya kandi nta mavuta menshi abamo. Bituma ruba urubuto rwiza ku bantu bose yemwe n’abarwayi ba diyabete bashobora kurukoresha kumafunguro yabo.

·          Ikindi  watermelon ifasha  mu gusohora imyanda  itandukanye mu mubiri.

·         19% bya vitamini A umubiri ukeneye ku munsi uzazisanga muri uru rubuto. Vitamine A, ni vitamini y’ingenzi mu kureba neza no mu budahangarwa bw’umubiri kimwe no kugira uruhu rwiza ruhehereye kandi rucyeye.

·         lycopene, lutein, β-carotene, zeaxanthin na cryptoxanthin ziri muri watermelon, zizwiho kurinda kanseri zinyuranye nka kanseri ya porositate, iy’amara, iy’amabere, ibihaha, nyababyeyi n’urwagashya.

·         Kuba uru rubuto rukungahaye kuri vitamini C, kimwe n’ibindi bisukura umubiri ni rwiza ku ruhu. Icyo usabwa ni ugukuba igisate cyayo cyangwa gukaraba umutobe wayo ku ruhu ahatangiye kwangirika cyanecyane bitewe no gusaza. Ibi bizarusana kandi binarinde kongera kwangirika.

 

·         Ku bagabo, kuba watermelon ikize kuri arginine, bibafasha kurwanya uburemba kuko yongera ubushake bwo gutera akabariro ndetse ubwo bushake bugatinda. Muri macye ni viagra y’umwimerere.

·         Si ibyo gusa kuko ifasha n’abagore ibongerera ububobere, bityo bamwe bahimbwe ba mukagatare yabafasha kwikuraho icyo gisuzuguriro.

Iyi n'ingando online 

Niba ufite igitekerezo cg icyo utubaza,watwandikira unyuze kumbuga nkoranyambaga zacu wifashishije facebook cg instagrame.

Igitekerezo cyawe nanone ushobora kukinyuza mu mwanya wagenewe comment.Ibyo muzatwandikira tuzabisoma kandi tubasubize.Ushobora no kudukurikira kuri youtube uciye hano Kanda hano.

Ushobora no kwandika ijambo INGANDO ONLINE Ahashakishirizwa muri google ubundi ukadusura kuri web site yacu ugakurirkira ibiganiro tubategurira muburyo bwanditse.