Ibimenyetso ugomba kubona utwite ugahita wirukira kwa muganga vuba vuba

Iyi ni Ingando online ukurikiye. Uyu munsi tugiye kugaruka kubimenyetso mpuruza umugore utwite yabona agahita yihutira kujya kwa muganga, atabanje gushidikanya.Umugore utwite aba agomba kwitwararika mubintu byinshi bitandukanye kugirango we nuwo atwite bagire ubuzima bwiza.Muri ibi bintu barimo kwitwararika mubyo agomba kurya ndetse no kwitwararika kubigendanye n'impinduka zigenda ziba k'umubiri we,kugirango amenye impamvu zishobora kuba zateye izo mpinduka.

Mukiganiro cy'uyu munsi turagaruka kubintu umubyeyi yabona agahita yihutira kujya kwa muganga kuko aba ari ibintu bidasanzwe.

Kurikira iki kiganiro muburyo bw'amashusho

Ikimenyetso umugore utwite yakwibonaho akihutira kujya kwamuganga atabanje gutinda niki:

1.kumva umwana atari kwinyeganyeza munda.

Kuba umubyeyi yakumwa umwana Atari kunyeganyega munda ntago ari ikintu gisanzwe.

Iki nicyo kimenyetso cya mbere kiza kwisonga mbere y’ibindi umugore utwite aramutse akibonye aba agomba guhita yihutira kwa muganga.

Akenshi k’umubyeyi utwite inda nkuru,ni ukuvuga inda iri mugihembwe cya gatatu,umwana uri munda akenshi akunda kwinyeganyeza buri munsi kuburyo Mama we aba yumva ko umwana ari kwinyeganyeza munda ye kuburyo n’umuntu anashobora kurebesha amaso kunda y’umubyeyi akabona ko umwana ari gukina munda.

Kubona cg kumva umwana ari kwinyeganyeza munda,nibyo dukunda kuvugango umwana ari gukina.Kuba rero umwana ari kwinyeganyeza munda, ni kimenyetso kigaragaza ko ari muzima kandi afite ubuzima bwiza.

Mugihe rero umubyeyi byibuze yumvise kuva mugitondo kugeza nyuma ya sasita umwana Atari gutera ni kimenyetso kibi kiba cyerekana ko ubuzima bwe butangiye kumererwa nabi.

Aha umubyeyi agirwa inama yokwikora kunda ameze nkuwisiga ho amavuta kugirango yumve ko umwana yakanguka agatera[Akanyeganyega].

Gusa umubyeyi w’umugore hari igihe ashobora kwikora kunda umwana ntatere,ariko papa we yakora kunda y’umubyeyi umwana uri munda agatangira kunyeganyega asa n’uwihindukiza.

Umubyeyi w’umugore amukozeho ariko ntatere papa we nawe yamukoraho umwana ntatere,ibyo bikaba byabaye kuva mugitondo mugihe bigeze mu masaha yanyuma yasasita ntakirahinduka umubyeyi agomba guhita yihutira kujya kwamuganga kugirango muganga asuzume ko umutima w’umwana uri gutera neza cg habayeho impinduka zidasanzwe byanaba ngombwa agatanga uburenganzira bwo guca mucyuma kugirango harebwe uko umwana ameze munda.

2.Kuvira kunda aribyo kuzana amaraso mu gitsina mu gihe utwite.

Umugore udatwite harigihe ashobora kuva amaraso mugitsina bitewe n’igihe ngaruka kwezi k’imihango cg bigaturuka kuburyo bwo kuboneza urubyaro akoresha butamuguye neza akaba yajya kwamuganga bakamuhindurira agahabwa ubundi buryo bwokuboneza bukorana n’umubiriwe neza,hanyuma icyo kibazo kigakemuka. Ariko ibi biratandukanye cyane k’umugore utwite.

Iyo umuntu atwite ntago ajya mu mihango,ntanuburyo bwo kuboneza urubyaro nabumwe aba akoresha kuko nyine aba atwite.

Mugihe rero umuntu utwite abonye hari amaraso ari kuva mugitsina cye aba agomba kwihutira kujya kwa muganga vuba vuba kugirango muganga amukorere isuzuma ryihuse hamenyekane impamvu yaba ibiteye.

Hari igihe ari nyababyeyi yaba itangiye kwifungura igihe kitageze inda ikaba igiye kuvamo cg akaba ari ikimenyetso kigaragaza ko waba ugiye kubyara mugihe inda igejeje amezi 9 cg iburaho ibyumweru bibiri.

Niyo mpamvu umubyeyi ubonye hari amaraso atangiye kuva mu gitsina cye aba agomba guhita ajya kwa muganga adategereje ko ayo maraso aba menshi ngo abone ubujyayo.

Iyi n’Ingando online mukomeje gukurikira.Uretse kudusanga hano mushobora no kudusanga kuri youtube Channel Mushakishije ijambo Ingando online cg Mugaca hano. Kugirango mubashe kujya mubona ibiganiro byacu muburyo bw’amashusho mwakanda hano mugakora subscribe.Kanda hano

3.Kubyimba ibirenge cg kubyimbirwa mu maso.

Hari impamvu nyinshi zitandukanye zishobora kuba zatuma umuntu abyimba ibirenge.

Muri zo mpamvu harimo nko kuba umuntu yakora urugendo rurerure n’amaguru atabimenyeye bigatuma ibirenge bye bibyimba,cg bigaturuka kuzindi mpamvu.

Kurundi ruhande hari igihe umuntu ashobora kubyimba mu maso byaturutse kubundi burwayi bwamenyekana nyuma yuko muganga arangije gukora isuzuma.

Hari n’abantu babyimbirwa mu maso mugihe cya mugitondo nyuma yokubyuka,uretse ko biba bidakabije.

Mugihe rero umugore utwite yabyimbye mu maso cg akabyimba ibirenge bidaturutse kuri izi mpamvu tuvuze haruguru,nabwo aba agomba guhita yihutira kujya kwa muganga kugirango muganga akore isuzuma rimenyekanisha icyabiteye,hanyuma abone gutanga ubujyanama n’ubuvuzi.

4.kuva amaraso mu mazuru.

Uretse kuba umuntu yarwana bakamukubita ikintu kumazuru,cg akiturahasi kuburyo akubita amazuru hasi,Kuva amaraso mu mazuru bishobora noguterwa no kurwara umutwe cyane,guturika kudutsi dutoduto two mu gihanga bitewe nuko umuntu yamaze umwanya munini kuzuba cg bigaterwa n’izindi mpamvu nko kurwara gripe cg kuba urwara sinezite maze wapfuna ibimwira bikazana n’amaraso, hanyuma mukindi gihe wapfuna ukava amaraso mu mazuru.

Ibi n’ibindi bitandukanye bishobora gutuma buri wese azana amaraso mu mazuru.

Umugore utwite nawe rimwe narimwe ashobora kuva amaraso mu mazuru akaba ntanindi mpamvu ibyihishe inyuma.Ariko uku kuva amaraso mu mazuru igihe ubona bimara umwanya munini kandi ukabona bikunda kuza n’ibyiza ko nabwo ujya kwamuganga ukabibwira muganga kugirango akuvure kandi anaguhe ubundi bujyanama.

5.kugira ikizengerera gikabije no guhuma cg kureba ibikezi kezi bya hato nahato.

Kugira ibi bimenyetso kabone nubwo waba utwite cg udatwite aba ari ibintu byo guhita ujya kwa muganga.

K’umugore utwite by’umwihariko,kugira ikizengerera nokureba ibikezi kezi bishobora guturuka k’uburwayi butandukanye ari ko na none ahanini bishobora guturuka k’uburwayi bw’umuvuduko w’amaraso.

Muburyo busanzwe hari ubuvuzi bw’umwihariko buhabwa abantu bafite umuvuduko w’amaraso.

Aba bantu baba bafite umuganga wihariye ubakurikirana byibuze incuro imwe mu cyumweru cg ,incuro imwe mu kwezi kugiraho harebwe imihindukire y’umuvuduko bafite niba wiyongera cg ugabanuka cg niba umaze gusubira kurugero rukwiye.

Aba bantu bafite uburwayi bw’umuvuduko hari amafunguro amwe namwe abaganga bababuza kurya no kumwa nko kuba babuzwa kurya umunyu,amavuta,rimwe narimwe bakabuzwa no kumwa isukari cg gufata ku inzoza.

Uretse ko umugore utwite abujijwe gufata ku nzoga,umugore utwite akwiye kubona amavuta,isukari n’umunyu wogukoresha mu mafunguro ye yaburi munsi,kuko muribyo harimo ibyo umubiri we ukeneye kugirango ubone vitamine n’intungamubiri zihagije.

Umugore utwite birashoboka ko yatwita arwaye iyi ndwara y’umuvuduko cg agatwita atayirwaye ,ariko uko amezi aza akaba yahura n’ubu burwayi.

Niyo mpamvu mubyumvikana umubyeyi agomba kwihutira kujya kwa muganga mugihe abonye afite ikizengerera cg ibikezi kezi kugirango hasuzumwe icyabiteye,kuko umuvuduko uri muri bimwe bishobora gutuma umuntu yumva ari kuzengerera cg ari kureba ibikezikezi.

Umuvuduko w’amaraso ushobora kuza muri bimwe bishobora no gutuma umubyeyi utwite abyara babanje kumubaga Cg akagira ikizengerera gishobora gutuma yitura hasi akagusha inda,hanyuma bikaba byaba itangiriro ryo kubyara umwana utagajeje igihe cg inda ikavamo.

6.kumva ushaka kwihekura bitewe n’uburyo watwisemo.

Hari bimwe mubiza kw’isonga bishobora gutuma umugore cg umukobwa utwite yumva yakuramo inda cg akica uwo yibyariye.

Kuba umuntu yarafashwe kungufu bikamuviramo guterwa inda n’umuntu azi cg atazi,ibi bikajyana no kuba gufatwa kungufu bishobora gusigira uburwayi budakira uwafashwe kungufu nka sida cg n’ubundi burwayi bwandurira mu mibonano mpuzabitsina.

Kuba uwafashwe kungufu ari umwana cg umuntu mukuru watewe inda n’umuntu bafitanye isano rya bugufi.

Kuba umugore yarafite uburyo bwokuboneza urubyaro akoresha ariko ntibukore neza maze uko kudakora neza bigatuma atwita kandi ntamwana yashakaga,n’izindi mpamvu nyinshi zishobora gutuma umuntu utwite yifuza gukuramo inda cg akagambirira ko umwana navuka azamwica cg akamuta ahantu akamusiga wenyine,iyo bimeze gutya uyu muntu nawe aba akeneye kujya kwa muganga.

Wenda ntago byumvikana neza kuba umuntu ushaka gukuramo inda yajya kwa muganga,ariko kujyayo bifite akamaro kuburyo bukurikira.

Icya mbere nuko hari abantu amategeko y’igihugu cyacu yemerera kuba bafashwa gukurirwamo inda n’abaganga aho kuba bazikuriramo bo ubwabo,kuko bashobora kugerwaho n’izindi ngaruka mbi zitandukanye.

Icya kabiri nuko harabantu bakuyemo inda batabanje kugisha inama bigatuma ubu babayeho mu buzima bwicuza, bafite ibikomere by’umutima bishinja kuba barishe abo bakabaye barabyaye bakabarera bagakura.

Abo bantu akenshi na kenshi ubasangana imvugo ivuga ngo”ubu umwana wanjye iyo ntamwica aba amaze kungana n’umwana warunaka,aba amaze kugera mu mashuri abanza ayisumbuye cg ayarangije.

Usanga bafite amarira menshi kurushaho mugihe uburyo bakoresheje mugukuramo inda bwarabagizeho ingaruka zituma batakaza ubushobozi bwokuzongera gusama.

Izi mpamvu zose nizo zituma umuntu wumva ashaka kwihekura yakagiye kwa muganga agaca muri service z’ubujyanama akagirwa inama zuko yakakira ibyamubayeho cg hagasuzumwa niba icyatumye atwita kiri mumpamvu amategeko y’igihugu yemerera abaganga kuba bafasha uwo muntu gukuramo inda kuburyo butamugiraho izindi ngaruka z’umubiri.

7.kubona ibintu birenduka bivanzemo uturaso biva mugitsina

Mugihe umugore atwite akabona ibintu by’ururenda bisohoka mugitsina bivanze n’amaraso ashobora kuba ari menshi cg ari make,ibi bikajyana nokumva hari ikintu gikubita mugice cy’umugongo bishobora no kwiyongera ho kumva uri guhinda umuriro mugitsina cg ukumva hari ibintu biri gusa nibisunika bijyana hasi munda ibyara,uba ugomba gukora ibishoboka byose ukihutira kwa muganga kuko ibi, ari ibimenyetso by’umugore uba ugiye kubyara.

N’ibyingenzi cyane ko umubyeyi abyarira kwamuganga buri gihe cyose agiye kubyara bijyanye no kuba yari pimishije kwamuganga byibuze incuro enye kugirango muganga amubwire uko umwana ameze munda.

Niyo mpamvu igihe cyose umubyeyi yumvise cg abonye ibimenyetso mpuruza byuko yaba agiye kubyara agomba gukora uko ashoboye akagera kwamuganga hakiri kare kugirango umwana aze kuvukira kwa muganga.

8.kwihagarika ukababara cg kurwara diare[agakanzu] utwite

Hari imiti myinshi itandukanye ishobora gufasha umuntu wahuye n’ubu burwayi bwo kwihagarika akababara aho bishobora kuba byatewe na infection zifata mu miyoboro y’inkari cg imiti itandukanye ivura diare yatewe n’impamvu zitandukanye umuntu ashobora kugura muri za foromasi,ariko k’umugore utwite hari ikitonderwa.

Umugore utwite ntago yemerewe gufata umuti wose yaba uwakizungu cg uwibyatsi atawandikiwe n’umuganga.

Hari imiti imwe n’imwe ivura uburwayi bumwe ariko mugihe umugore atwite akaba arwaye indwara runaka bishobora kuba ngombwa ko muganga amuhindurira akamuha undi muti bitewe n’ingaruka wamuti wundi wagira kubizima bwe n’ubwumwana atwite.Nibyiza rero ko mugihe umugore utwite yarwaye atagomba kujya gupfa kugura imiti abonye atayandikiwe na muganga.

9.kuruka cyane no kunanirwa kurya ubwoko bw’amafunguro menshi atadukanye.

Mugihe abagore batwite, akenshi hari igihe bahurwa cg bakanukirwa n’amafunguro amwe namwe bari basanzwe barya,bityo bigatuma bumva badashaka kurya.

Ibi ni rusange kuri buri mugore utwite,ariko iyo bifashe indi ntera ugasanga umugore utwite yahuzwe ibintu byose kuburyo buri kimwe ariye akiruka,haba harimo ikibazo.

Urugero:Ntago umugore utwite yatungwa no kurya ifiriti gusa.

Akenshi umuntu utwite ahurwa ibiryo munda iri mugihembwe cya mbere. Igihe inda ikiri nto umugore utwite aba agomba kurya indyo yuzuye kuko muriyo arimo haturukamo intungamubiri nkenerwa mu mikurire y’ubwonko bw’umwana zikanakenerwa no mwiremwa ry’amagufa ye k’uburyo indyo yuzuye iba ikenewe cyane kuko ibice byinshi by’umubiri w’umwana biba biri kuremwa kandi bigakenera intungamubiri zihagije mu mikurire yazo.

Niyo mpamvu mugihe umugore utwite yahuzwe ibintu byinshi agomba kubaza kwa muganga amafunguro yasimbuza ayo yananiwe kurya kugirango hatagira intungamubiri n’imwe abura bikaba byateza ikibazo umwana atwite.

Amafungoro 10 Umugore utwite abujijwe kurya mugihe agitwite.