Urugendo intanga ngabo ikora igiye guhura n'intanga ngore

Iyi ni Ingando online muteze amatwi.

Uyu munsi tugiye kurebera hamwe urugendo rurerure kandi ruruhije intanga ngabo, icamo Kugirango ihure n’intanga ngore ;hanyuma habeho gusama.

Ikaze muri ki kiganiro.

Kurikira iki kiganiro muburyo bw'amashusho

Ibi Byose tugiye kuvuga, bitangirira mugihe umuhungu amaze kuba ingimbi umukobwa nawe amaze kuba umwangavu.

Mbere yuko umuhinzi arya ikigori,abanza kugitera kigakura kikazana indabo,indabo zamara kuza,hakabaho kubangurirana hagati y’ibigori ubwabyo cyangwa uko kubangurirana kugakorwa n’umuyaga,inyoni,umuntu ubwe, cg kugakorwa n’utundi dusimba dutandukanye tuguruka, cg ikindi kintu cyose gishobora gutwara umurama kiwukuye hejuru kumutwe w’ikigori kikawujyana ku misatsi y’ikigori.

Mugihe umuhinzi amaze kubona ko ibigori bye byahetse bikazana imisatsi n’umurama hejuru atangira kwitegura ko mu minsi irimbere azabona ibindi bigori.Ni nako bimeze kubantu.

1.Ibimenyetso bigaragara imbere cg inyuma bigaragaza ko umuhungu yatera inda,cg umukobwa yagasama.

Hari ibimenyetso bigaragara imbere n’inyuma yaba k’umuhungu cg umukobwa bi mubwira we ubwe cg bikamenyesha abandi bantu ko amaze kugira ubushobozi bwo kuba yabyara undi muntu nkawe.

Mukiganiro cyuyu munsi ntago twibanda kuri ibi bimenyetso ariko reka tubivugeho gato.

UMUHUNGU UGEZE MUGIHE CY'UBUGIMBI AGARAZA IBI BIMENYETSO:

Kumera imisatsi[Insya] kumyanya ndangagitsina no mukwaha[Incakwaha],ibi bikaba k’umuhungu n’umukobwa.

Guhindura ijwi agatangira kuvuga nk’umugabo,kwiyongera mungano kw’igituza n’intugu no kumera ubwanwa kuri bamwe.

Tuvuze kumera ubwanwa kuri bamwe kuko hari abarenga iki kigero cy’ubugimbi batameze ubwanwa ahubwo bakazabumera muyindi myaka yigiyeyo.

Ibi bimenyetso byose tumaze kuvuga n’ibimenyetso bigaragarira buri wese kuko ari ibimenyetso bigaragara inyuma,ariko hari ikindi kintu cy’ingenzi cy’izingiro rya byose kiba kirimo kubera mudusabo tw’umugabo[Amabya].

Mudusabo tw’umugabo[Mu mabya] Haba harimo gukorwa intanga ngabo n’amasohoro zizajya zigenderamo kugirango zibashe gusohoka hanze.

Mugihe Ibi byose biba birimo kuba k’umuhungu umaze kuba ingimbi,ibi biba biri nokuba k’umukobwa umaze kuba umwangavu.

Atangira Kumera amabere no kwiyongera mungano,kwiyongera no kwaguka kw’amatako[Kuzana amataye]kuvuga ijwi ryorohereye,kugira ikibengukiro[Kuba mwiza] n’ibindi bimenyetso bigaragara inyuma twavuze haruguru abahungu n’abakobwa bahuriraho muriki gihe cy’ubugimbi n’ubwangavu.

Hari kindi kimenyetso na none kibanze kibera imbere mu mubiri w’umukobwa ariko kumusozo kikaza kugaragara inyuma kigaragaza ko amaze kugira ubushobozi bwo kuba yasama.

Icyo kimenyetso nukujya mu mihango.

Kujya mu mihango ku mukobwa kuba buri kwezi bigaterwa nuko icyo twakwita uruganda rw’intanga ngore ovary mu magambo y’icyongereza ruba rumaze kurekura intanga ngore imaze gukura, rukayohereza kugirango nihabaho guhura kwiyo ntanga ngore n’intanga ngabo habeho gusama,nyuma yo gusama habeho kubyara.

Mugihe rero habayeho imibonano mpuza bitsina hagati yaba bantu tumaze kuvuga haraguru,ibi nibyo bikurikiraho.

Habanza urugendo rw’intanga ngore yoherejwe cg irekuwe ikanyura mu muyoboro wabugenewe witwa fallopian tube[Umuyoborantanga w’umugore].

Ibi twigeze kubivugaho haruguru aho twavuze ko hari uruganda rushinzwe gukora no kukohereza intanga ngore imaze gukura[uru ruruganda mururimi rw’icyongereza rwitwa OVARY.

Uru ruganda iyo rumaze kurekura intanga ngore ruyohereza mu muyoboro wabugenewe aho igomba kumara iminsi runaka itegereje ko hakaza intanga ngabo ngo bihure kugirango habeho gusama.

Iyi ntanga ngore ihamara amasaha 24 mu muyoboro wabugenewe itegereje intanga ngabo,hanyuma intanga ngabo itaza umubiri muburyo karemano ugategeka ko ya ntanga ngore isohoka mu mubiri,igasohoka mu maraso ari yo mihango.

Iyo noneho habayeho imibonano mpuzabitsina idakingiye umusore cg umugabo akarekurira amasohoro mugitsina cy’umukobwa cg umugore[Agasohorera mo] ari mugihe cy’uburumbuke,ibi nibyo bikurikiraho.

Urugendo rurerure ruruhanije rw’intanga ngabo imwe iba igomba guhura n’intanga ngore ruba rutangiye.

Muri izo ntanga ngabo zose imwe murizo niyo iba igomba guhura n’intanga ngore ikayinjiramo,kugirango habeho gusama. Ubushakashatsi bwagaragaje ko byibuze intanga ngabo imeze neza kandi ifite imbaraga ishobora kwiruka vuba vuba igasiga izindi k’uburyo mugice kisaha iba imaze kugera aho intanga ngore iri ariko nanone bikayitwara hagati y’amasaha 24 na 72 kugirango ibe imaze kwinjira muntanga ngore.

Intanga ngabo ishobora kumara mu myanya myibarukiro y’umugore iminsi 3-5 ikiri nzima.

Intanga ngabo ishobora kumara amasaha ari hagati ya 48 na 72 iki ri nzima, iri mu myanya y’ibanga y’umugore uretse ko hari nubushakashatsi buvuga ko ishobora kumaramo iminsi itanu ikiri nzima bitewe n’ubwoko bwayo.

Gusa kuba zamara iki gihe cyose ari nzima ntibiziha ubushobozi bwo kuba zagera aho intanga ngore iri zose,kuko inyinshi zipfira munzira izindi zigatakaza imirizo izifasha kugenda mugihe izindi zicwa nu mubyigano zigapfa zitabashishe kwegera aho intanga ngore iri mu mu yoboro wa fallopian tube.

Intanga ngabo/ngore zigizwe n’ibice bitatu by’ingenzi.

Iyo witegereje intanga ngabo mubyuma byabugenewe ubona ifite ibice bitatu by’ingenzi Umutwe,igihimba n’umurizo yifashisha mukugenda.

Intanga ngore nayo igizwe n’igice kinyuma igice cyohagati n’igice k’imbere.Umuntu yavuga ko yubakitse uko igi ry’inkoko riteye.

Iyo intanga ngabo imwe ibashije kugera kuntanga ngore ibi nibyo bihita bikurikiraho.

Intanga ngabo yinjira mu ntanga ngore[Igice cy’umutwe nicyo kinjira gusa igihimba n’umurizo bigasigara].

Bitwara byibuze amasaha 24 kugirango intanga ngabo ibe imaze kwinjira mu ntanga ngore.Iyo intanga ngabo imaze kwinjira muntanga ngore igice kiyizengurutse gihindura imiterere k’uburyo ntayindi ntanga ngabo ishobora kongera kwinjira.Izi ntanga zombi zikimara guhura hahita habaho igenamiterere y’igitsina umwana agomba kuzavukana niba umwana azaba umuhungu cg niba umwana azaba umukobwa.Iyo ibi birangiye hakurikiraho ibi bikurikira.

Zantanga zombi zahuriye hamwe zitangira kwigabanya mo uduce tubiri.

Intanga ngabo yamaze guhura n’intanga ngore bikaba bimwe bitangira kwigabanyamo uduce tubiri ariko tugenda twiyongera twiyongera tukaba twinshi,hanyuma icyo twakwita igi rigizwe nutwo duce twinshi rikimuka rikava muri wa muyoboro wa fallopian tube ryariririmo rikajya aho umwana atangira gukurira ari ho muri nyababyeyi.Iri gi rihava nyuma y’iminsi 3 cg 4 nyuma y’uko intanga ngabo yamaze kwinjira muntanga ngore.Iki gikorwa kitwa Implantation.

Rimwe na rimwe muburyo budakunze kubaho hari igihe irigi rihita rifata muri uyu muyoboro wa fallopian tube rikahaguma akaba ariho rikurira aho kwimuka ngo rijye gukurira muri nyababyeyi gusa ntibikunze kubaho.

Mugihe bigenze gutya abaganganga babyita ko umubyeyi yatwitiye inyuma ya nyababyeyi.Mundimi zamahanga byitwa tubal pregnancy cg ectopic pregnancy,ibi,aba ari bibi cyane k’umubyeyi.

Ariko iyo bigenze neza igi rikagera muri nyababyeyi,ibi nibyo bihita bikurikiraho.

Iryo gi rifata muri nyababyeyi mu mwanya wabugenewe rigakomeza kuhakurira.

Nyuma yuko ryagi ryabonetse habanje kubaho guhura kw’intanga ngabo n’intanga ngore rimaze kuva mu muyoboro wa fallopian tube rikagera muri nyababyeyi hakurikira ho ko iryogi rifata mugicye cya nyababyeyi kitwa endometrium.Uku gufata kwiri gi muri kigice cya nyababyeyi byo ubwabyo iyo bimaze kuba abaganga bavuga ko hamaze kubaho ibyitwa implantation. Igi rikomeza kwigabanyamo utundi tuntu tumeze nkutubiye rigakomeza kuhakurira.

Muri ikigihe nka nyuma yicy’umweru kimwe umubiri utangira kurekurira mu maraso y’umubyeyi umusemburo witwa human chorionic gonadotropin. (hCG) Mumagambo ahinye y’icyongereza.

Uyu musemburo ushobora kuboneka mu maraso no munkari kuburyo hifashishijwe ibikoresho byabugenewe abaganga cg wowe ubwawe wakwipima ukabona ko wamaze gusama.

Nyuma yuko igi rimaze gufata ikicaro muri nyababyeyi rikomeza gukura no kwigabanyamo utundi tuntu tumeze nkutubiye tukagenda tuba twinshi kandi buri kamwe kajya mu mwanya wako,k’uburyo tugenda twihuza huza tukavamo akantu kameze nk’urunyo ubwo umwana akaba atangiye urugendo rw’ukwezi kwa mbere mu mezi 9 agomba kuba ari gukurira munda ya mama we; mbere yo kuvuka.

Hari ibindi biganiro twabateguriye bigaruka ku mikurire y’umwana uri munda ufite ukwezi kumwe kugeza kumezi 9,Ushobora gukurikira kugirango urebe video zigaragaza uko umwana agenda akurira munda kuva afite ukwizi kumwe kugeza avutse.

Kurikira video ibigaragaza

Sibyo gusa kuko twana garutse ku mafunguro umugore utwite abujijwe kurya tunagaruka kundyo yuzuye umugore utwite yemerewe gufata kugirango we n’umwana atwite bombi bagire ubuzima bwiza.

Ibyo biganiro byose ushobora kubikurikira wifashishije link zikurikira.

1.AMAFUNGURO 10 umugore utwite agomba kwirinda kurya

2.Ibyo abagore batwite bakeneye kurya

Search This Blog

INGANDO ONLINE IN KINYARWANDA